Air taobh tuath an eilein Cheap Breatainn tha àiteachan mar Iongoinis, Ceap Nòr, Inbhir Pheofharain, Bàgh Naomh Loireans, agus eile. Smaoinichidh mi uaireannan gun téid an dio-chuimhn' air an còrr dhe 'n eilean air sgàth 's gu bheil iad car fada air falbh agus dà bheinn eadarainn.

Bho chionn beagan bhliadhnaichean chaidh làrach lìn a chuir air bonn, "Cainnt Mo Mhàthar". Rùnaich grunn de dhaoine gum biodh e feumail cainnt agus cuimhneachan nan seann daoine Ghàidealach ann an Ceap Breatainn a ghléidheadh do na linntean ri teachd. Nach ann ceart a bha iad!

'S a' cheud dol amach feumiadh mi aideachadh nach eil mi uile-eòlach air na cùrsaichean Gàidhlig a bhios ri fhaotainn air an eadar-lìn ach sgrìobhaidh mi rud beag air na tha fhios agam air, na bhios ri fhaotainn air taobh seo a' Chuain Shiair co dhùbh.